مليونير الانترنت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شرح الحصول على ريفيرال مباشره + كتاب اسرار الريفيرال Direct referral

3 مشترك

اذهب الى الأسفل

للتميز شرح الحصول على ريفيرال مباشره + كتاب اسرار الريفيرال Direct referral

مُساهمة من طرف arnould الأربعاء مايو 25, 2011 3:50 pm



السلام عليكم ورحمه الله وبركاته
ازيكم يا رجال الاعمال ؟
ان شاء الله تكونو بالف خير دايما يارب
لعيون الاعضاء الجديده الموضوع شامل والاعضاء القديمه ان شاء الله يستفيدو ويفيدو
-------------------------------------------------------------------------
الناس كلها سجلت فى نيوبوكس او اون بوكس
ورغم كده بتلاقى اعضاء اون بوكس مستجدين
حاولت تجيب ريفيرال بس اصابك الاحباط لان الناس كلها زى مانت شايف
هنتكلم النهارده بأذن الله وهنعرف الناس دى بتجيب ريفيرال ازاى
بس توعدنى لو تعرف حاجه انت كمان شارك معانا
الموضوع ده عملته اكتر من مره فى الشركات الربحيه
طبعا الشغل فى القسم هنا هيبقى جزء من اجزاء الحصول على ريفيرال
فى طرق تانيه كتير انا هكلمك دلوقتى اكنى بكلمك على الشات مش فى المنتدى
انت هتعوذ تجيب ناس خاااااام وتدخلهم الشركه والمجال والمنتدى
ندخل فى المطلوب منك
اولا ده دليل صغير على صحه كلامى بس من باب التشجيع
-------------------------------------------------------------------------
بص بقى وركز معايا نقرتين لعرض الصورة في صفحة مستقلة
اولا وضع تحتها مليون خط
الصر*** يا اخواننا
ماينفعش اللى بيحصل من الاخوه العرب ده
اول حاجه الريفيرال بيسألك بيقولك هوا انت كسبت كام وفى مده قد ايه ؟؟
تروح انت قايله انا شغال من سنييييين وبكسب كتير جدا وامبارح سحبت 300 الف دولار والنهارده رايح اسحب 5000 دولار اهو
ايه ده نقرتين لعرض الصورة في صفحة مستقلة ؟؟؟
هوا انت فاكر انك بالطريقه دى هتعرف تجيب ثمن المواصلات حتى ؟؟؟؟نقرتين لعرض الصورة في صفحة مستقلة
والله عمرك واسأل مجرب
خليك واقعى ولو قولت انك لسه مش جديد اوى وانك بتحاول وتقوله انا بقنعك عشان هكسب من وراك وكده هوا والله العظيم هيحترمك ويقدرك ويعجب بصراحتك ويحس انك مش اعلى منه بكتير ومش بتكلمه بغرور
معلش انا برغى كتير اوى بس والله هوصلك للطريق المظبوط والباقى انت وشطارتك
ثانيا الاقناع بالاحساس المادى وليس المعنوى
ازاى ؟
دلوقتى انت لازم تطمن قلب اللى قدامك عشان يشتغل صح ويقنع بسهوله
للاسف فى ناس تقوم باعته للريفيرال اثبات الدفع بتاع الاليرت باى
طاب بالذمه ده كلام ؟؟؟
هوا مش عارف يعنى ايه شركه هيعرف يعنى ايه اليرت باى ؟؟؟
اكيد هيقول عليك انك انسان تعبان
لا وريله ناس وصلت فعلا وموقع بيتكلم عن الحاجات دى ويلاقى الناس بتقول ده موضوع كويس
بس خد بالك مش معنى كده انك تجيب كام واحد صاحبك وتخليهم يطبلولك فى الموضوع بتاعك نقرتين لعرض الصورة في صفحة مستقلة
مانتا برضه كده بتشتغل نفسك
خليك فى السليم وربنا هيفرجها معاك واحده واحده وعمرك ماهتبقى رجل اعمال ناجح وانت اصلا بدايتك غلط
انا مثلا هعمل فيديو وانا بحول الفلوس من الشركه للاليرت باى لحسابى فى فودفون كاش وهصور نفسى فيديو وانا بستلم الفلوس من الماكينه
ساعتها من غير ماقنع الريفيرال بتاعى هيكون سجل
جميل
ثالثا المتابعه
تابعهم اول باول وشوف اخبارهم
عاوزين استفسار قولهم مشكله واقفه حلها
اوعى تخليه يسجل وبعد كده ترميه
حرام
اولا ده بنى ادم مش مصلحه
ثانيا هوا السبب فى رزقك
ثالثا هيتخنق بسرعه ويحس انه جاهل ومش هيكمل
ويبقى راحت فلوسك يا صابر
رابعا حب لاخيك ماتحب لنفسك
بصو بقى عشان النقطه دى مهمه
دلوقتى انا دخلت منتدى وعملت موضوع جديد بشركه كاشيوم
راح جاى واحد تانى وعمل نفس الموضوع فى نفس الصفحه
المفروض انى ازعل ؟؟؟
اوعى تزعل
اللى عامل الموضوع ده واحد عجبه موضوعك وقلدك يعنى انت استاذه
ودى حاجه تفرحك
ثانيا
محدش بياخد رزق حد
وانت مؤمن وعارف ان ربنا هوا الللى بيوزع الارزاق
انا دلوقتى عملت جروب ربح على الفيس بوك
كل الللى فى الجروب بعد ماعرفو كل حاجه راحو عاملين جروبات
اقسم بالله لحد دلوقتى اصحابى واخواتى اكتر من الاول ومش بس كده
ثانيا دول اخواتى
ثالثا انا من مصلحتى ان الريفيرال عندهم يزيدو لانهم هيبقو نشطين وينفعونى طول العمر نقرتين لعرض الصورة في صفحة مستقلة
على فكره انت دماغك حلوه ومركز معايا وهتكمل وتوصل ان شاء الله بس معلش استحملنى
-------------------------------------------------------------------------
نيجو بقى لاخر واهم مرحله والكل بيقولى انجز ياعم قرفتنا ومستنى طرق الحصول على الريفيرال
اولا
الشات
مهمه والله
انواع الشات المفيده بخصوص الربح
الياهو الهوت ميل الفيس بوك طبعا من اهم انواع الشات الربحى ولو عاوز تضيف شات تانى دى براحتك
كل اللى هتعمله هتقوله على الفكره هيقوم بكل بساطه يقولك ده نصب وموضوع فاشل
هتقوم مطبق نظريه الاقناع اللى شرحتها فوق
الشخص سجل وكله تمام
ايه المطلوب منك
هتطبق عليه نظريه المتابعه اللى فوق
وبعد كده تطبق نظريه حب لاخيك ماتحب لنفسك


ثانيا المنتديات
ركزززز نقرتين لعرض الصورة في صفحة مستقلة
اول ماقول كلمه منتديات الاقى ناس بتجرى على المنتدى وهوب ارفع توبيك يا عم الحاج هوب انسخ شويه صور موجودين قبل كده حط اى كلمتين وخلاص وخد بعضك وامشى وماتشوفش المندى ده تانى
وابقى قابلنى لو حد سجل تحتك
ولو حد سجل ادى دقنى اهى لو كمل اسبوع فى الموضوع
امال اعمل ايه ؟
المنتييات نوعين
نوع هتلاقى فيه قسم الربح ونوع مافيهوش قسم الربح
قشطه
نبدأ بالمنتدى اللى يحتوى على قسم الربح
ققسم المال والاعمال ( مش عفاريت ماتخفش )
وتدخل تعمل موضوع جديد
ماتقولش مقدمه للربح لان كل اللى فى القسم عارفين الموضوع والا ماكنوش دخلو
هتحط اسم الشركه ومميزاتها ولينك التسجيل بتاعك وايه اللى بيميز الشركه
وصور من جهازك انت مش منقوله
طاب ايه الفرق ؟
الفرق ان ربنا بيديك على قد مجهودك
وانت تعبت هتلاقى
مانتعتبتش مش هتلاقى
دى نصيحه من اخوك لو انت عاوز تبدأ بدايه صح
خلصنا من المنتديات اللى تحتوى على قسم الربح
ندخل على اللى مافيهاش قسم ربح
اولا لازم تعرف انها مفيده ويمكن اكتر من اللى فيها قسم الربح
ليه ؟
انت دلوقتى لو دخلت قسم الربح وعاوز تجيب رفيرال لشركه زى النيوبوكس مثلا
عمرك خلاص مش هتعرف لان كل اللى فى القسم داخلين عشان الربح من النت وكل الناس اللى شغاله اول حاجه عملوها انهم سجلو فى النيوبوكس
يبقى الحل ايه
تروح على المنتدى اللى لا يحتوى على قسم الربح عشان يبقى قدامك ناس خام
هتحط الموضوع فين ؟
حطه فى قسم البرامج
الموضوع هيشمل الاتى
اولا مقدمه بسيطه وسهله وغير معقده للقارىء حتى لا يمل فى بدايه قرائته للموضوع
ثانيا
تتطبق كل النظريات اللى انا قولتهالك فوووق
الصر*** والمتابعه وحب لاخيك والاقنااااااع
الشرح يكون بالصور
كده خلصنا المنتديات بس لو عاوز مواضيعك تنجح فى المنتديات واحتمال تتثبت كمان
كل موضوع تعمله احفظ اللينك بتاعه فى الجهاز عندك وادخل على كل المواضيع كل 4 ايام مثلا وشوف الردود ورد عليها
ومافيش مانع لو تركت ايميلك باسفل الموضوع للمزيد من التواصل
كده انت خلصت اكبر حاجتين فى الحصول على الريفيرال
ثالثا
الطريقه التقليديه القديمه
الناس زمان كانو شغالين بالطريقه دى بس
اللى هى اليوتيوب
بتعمل شرح بالفيديو وتحط اثبات دفع بالاليرت باى فى الفيديو وترفعه على اليوتيوب وتحط لينك التسجيل جنب اسم الفيديو
لتسجيل الفيديو من جهازك يستحسن التعامل بالبرنامج ده
Camtasia Studio 6
نيجى بقى لفكرتى
مانتا خد بالك كل الطرق اللى بقولهالك دى مش كفايا
لازم تبدع انت كمان وتقول الطريقه للى بعدك والاجيال يتوارثوها
انا فكرت قولت فى ملايين اعضاء على الفيس بوك مايعرفوش الفكره وفاضيين 24 ساعه
طاب ماستغلهم ومحدش عمل الفكره دى على الفيس بوك قبل كده
روحت قايل على بركه الله
عملت الجروب وتقدرو تشوفوه والحمد لله الجروب بقى الجروب الرسمى للربح لانى اول واحد واكبر عدد اعضاء بحمد الله
تقدر تدخله وتشوف فكرته
ابحث فى الجروبات عن
أسهل و أضمن طريقة للربح المجانى عبر النت
خد فكره عن الجروبات من الجروب ده واعمل واحد زيه
بس لو سمحت
راعى انى تعبت فى الجروب ده واتشتمت واتهزقت وكنت بسهر عشان اعمل التوبيكات بتاعته
فضلا لا امرا خد فكره واعمل زيه بس مش تروح ناسخه كله كوبى وبيست وتقولى انا عملت جروب
لا مافيش حلاوه من غير نار
لازم تتعب شويه عشان تحس بحلاوه الاخضر اللى هيجيلك
واخيرا
الفكره اللى بتعجبنى اوى
انشاء مدونه
اعمل مدونه للربح
وحط فيها شروحات جميله كده وفيديوهات بطريقه سهله
وانشرها
واعمل رساله الترحيب لو عاوز استفسار انضم للجروب الخاص بالمددونه وحط لينك الجروب فيها
وكل ماالمدونه تتشهر الجروب يتشهر معاها
اهم حاجه تتابع الجروب كويس وتنشطه وترد على كل استفسارات
وكمان لو انت كويس فى الانجلش اعمل مواضيع فى منتديات اجنبيه ووسع رزقك
واخيرا مرحله الابداع
دى مش هقولك فيها حاجه
لان دى حاجه خاصه بيك
ابدع حاجه جديده تكون انت اول واحد عاملها
ولو حد عنده اى مشكله فى اى حاجه فى الدنيا مش النت بس انا تحت امركم
ربنا يذيدكم من نعيمه
وان شاء الله ممكن حد يستفاد من الموضوع

ان شاء الله هكمل الموضوع بعد ماشوف الردود
عشان اعرف الاعضاء عاوزين شرح حاجات من دى ولا مالهاش لازمه
ده تقريبا نص الموضوع او المقدمه

ودى هديه متواضعه
كتاب اسرار الريفيرال يباع فى المنتديات الاجنبيه ب 7 دولار

لكن هنا مجانا
للتحميل



http://www.filesin.com/59C8F23851/download.html
arnould
arnould
عضو فعال
عضو فعال

عدد المساهمات : 9
السٌّمعَة : 3
تاريخ التسجيل : 25/05/2011

الرجوع الى أعلى الصفحة اذهب الى الأسفل

للتميز رد: شرح الحصول على ريفيرال مباشره + كتاب اسرار الريفيرال Direct referral

مُساهمة من طرف Admin الأربعاء مايو 25, 2011 5:07 pm

مبروك
تم اختيار موضوعك كموضوع مميز
وتم وضع اعلان لهذا الموضوع فى شريط الاعلانات الخاصة ,
الاعلانات الخاصة موجودة فى جميع صفحات المنتدى ويمكن لجميع الاعضاء والزوار مشاهدتها فى اى صفحة
الاعلان الخاص بك عنوانه "كتاب اسرار الريفيرال" + اسمك , ويوجد به رابط الريفيرال الذى قمت بوضعه فى الموضوع

مع تحيات
ادارة المنتدى,,,
Admin
Admin
Admin

عدد المساهمات : 151
السٌّمعَة : 9
تاريخ التسجيل : 04/04/2011

بيانات العضو
بيانات العضو: 0

https://1milion.forumegypt.net

الرجوع الى أعلى الصفحة اذهب الى الأسفل

للتميز رد: شرح الحصول على ريفيرال مباشره + كتاب اسرار الريفيرال Direct referral

مُساهمة من طرف kemo الإثنين مايو 30, 2011 3:08 am

ده احسن شرح ممكن اكون شفته بجد ربنا يوفقك وجزاك الله خيرا
kemo
kemo
عضو جديد
عضو جديد

عدد المساهمات : 2
السٌّمعَة : 0
تاريخ التسجيل : 28/05/2011

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى